ރަމަޟާންމަހާއި ޤުރްއާން
ރޯދަމަހަކީ ޤުރުއާނުގެ މައްސަރެވެ.
[މިހާތަނަށް މި ލިޔުން ކިޔާފައިވަނީ 1451 ފަހަރު]
 ލޮބުވެތި އަޚުންނާއި އުޚްތުންނޭވެ! ރޯދަމަހުގައި ތާބިޢީ ބޭކަލުންނާއި އެބޭކަލުންގެ ފަހުންވަޑައިގެންނެވި ބޭކަލުން ޤުރުއާން ކިޔެވުމަށް ސަމާލުކަން ދެއްވާފައިވަނީ ޢަޖައިބުވާފަދަ މިންވަރަކަށެވެ. ޤަތާދާގެފާނު، އާދައިގެ ދުވަސްތަކުގައި ކޮންމެ 7 ރެއަކުން ޚަތިމެއް ކުރައްވައެވެ. އަދި ރޯދަމަސް އަތުވެއްޖެނަމަ ކޮންމެ ތިން ރެއަކުން ޚަތިމެއް ކުރައްވައެވެ. އަދި ރޯދަމަހުގެ ފަހު ދިހަ އައުމުން ކޮންމެ ރެއަކުން ޚަތިމެއް ކުރައްވައެވެ. | 
ރަމަޟާން މަސް އަޅުގަނޑުމެންނާ އަލްވަދާޢު ކިޔުމަށްފަހު، އަޅުކަން އަދާކުރުމުން ހިތަށް ލިބެމުން ދިޔަ ފޮނިކަމާއި އަރާމު މިހާރު ނެތިގެންދާން ފަށައިފިއެވެ. ރަމަޟާން މަހުގައި އަޅުކަން އަދާކުރުމަށް އެ ހުރި ފޯރިއެއް މިހާރަކު ނެތެވެ. އަދި ގިނަފަހަރަށް ފަތިސްނަމާދު ޖަމާޢަތުގައި ނުކުރެވެއެވެ. އަދި ރަމަޟާންމަހު އަދާކުރަމުންއައި ސުންނަތް ނަމާދުތަކާއި ޤުރުއާން ކިޔެވުމަށް މެދުކެނޑުމެއް އަތުވެއްޖެއެވެ.
އަހަރެމެންގެ ކުރީގައި އުޅުއްވި ޞާލިޙު އަޅުން (ސަލަފުއްޞާލިޙުން)، ރަމަޟާން މަސް އައުމުގެ ހަ މަސް ކުރިއްސުރެ، ހެޔޮގޮތުގައި ހޭދަކުރެއްވުމަށްޓަކައި ރަމޟާންމަސް ދެއްވުން އެދި ﷲ އަށް ދުޢާ ދަންނަވާކަމުގައި ވެއެވެ. އަދި ރަމަޟާންމަސް ލިބިއްޖެނަމަ، އެ މަހުގެ ރޭތައް އަޅުކަމުގައި، ދުވާލު ރޯދައިގައި ހޭދަ ކުރައްވައެވެ. އެއަށްފަހު، އެމަސް ނިމުމުން، އެމަހުގައި ކުރި އަޅުކަންތައް ޤަބޫލު ކުރެއްވުން އެދި، ޖެހިގެން އަންނަ ހަ މަސްދުވަހު ﷲ އަށް ދުޢާ ދަންނަވާކަމުގައި ވެއެވެ.
ޢުމަރުބުނުލް ޚައްޠާބު ވިދާޅުވިއެވެ:
"ޙިސާބު ބެއްލެވުމުގެ ދުވަސް އައުމުގެ ކުރިން ތިޔަބައިމީހުންގެ ނަފްސުތައް ޙިސާބު ކުރާށެވެ. އަދި ހެޔޮޢަމަލްގެ ބަރުދަން ބެއްލެވޭ ދުވަސް އައުމުގެ ކުރިން ޢަމަލްތަކުގެ ބަރުދަން ބަލާށެވެ." (ތިރްމިޒީ)
މަތީގައި އެވަނީ، ރަމަޟާން މަހުގައި ޢަމަލު ބަހައްޓަން ވީ ގޮތް ބަޔާންކޮށް ތައްޔާރުކޮށްފައިވާ ޕޯސްޓަރެއް. މި ޕޯސްޓަރުގައި ވަނީ ރަމަޟާން މަހުގައި ކުރަން އެދެވިގެންވާ ކަންތައްތަކާއި ކޮށްގެން ނުވާނެ ކަންތައްތައް ޓްރެފިކް ނިޝާން ތަކެއްގެ ގޮތުގައި ހުށަހަޅާ ދީފައި. މި ޕޯސްޓަރު ދިވެހި ބަހަށް ގެނެސް މި ސައިޓުގައި ޖެހުމަށް ހުށަހަޅާފައިވަނީ ނޫރުލްއިސްލާމް ޖަމްޢިއްޔާއިންނެވެ.
